PRISM-in MP candidate neih tum

PRISM party chuan thuchhuah siamin, kum 2019-a Lok Sabha inthlan awm turah PRISM party-in candidate neih ngei an tum thu an tarlang.

Lok Sabha MP thlan turah candidate neih ngei ni se, tia an rel chung­changah PRISM thu­chhuah chuan, "Congress kaihhruai United Progressive Alliance (UPA) leh BJP kaihhruai National Democratic Alliance (NDA)-ah tel loh a, thawhhona dang awm, kan telna âwm melh ni se kan ti a ni," a ti.

PRISM chuan nimin khan an pisaah Mizoram inthlanpui neih tak an thlir lêt a; inthlana party hmalakna leh thlen chin te, an hmasawnnate chu lawmawm an tih thu an sawi a; Inthlan vawi khat an hmachhawnnaah an hmalaknain a ṭha zawnga danglamna a thlen thu leh an sum leh tha sente an chhûtin hlawhtling hlea an inngaih thu an sawi bawk.