Siahatla mite swab sample lak a ni

Siaha district-a quarantine facility aṭanga chhuahtir tawh zinga mi pakhat, Covid-19 vei hmuh chhuah a nih avangin, mi dang a kai chhâwn theih àwma ngaihte chu nimin khan an swab sample lak a ni. Covid-19 vei hmuh thar chènpuite leh an in hnuai luahtute chu hmanraw inṭâwm nei an nih avangin an vaiin quarantine facility-ah dah nghal an ni a, an ina lêng lut chhungkaw 12 pawh home quarantine-a awmtir nghal an ni. Chu'ng mite chu an swab sample endik turin nimin khan lâk a ni. Siaha DC Bhupesh Chaudhary chuan Siahatla vengah hian total lockdown a puang tawh a; Meisavaih West veng pawhin him lo theia an in hriat avangin nimin aṭang khan an veng chhungah total lockdown an kalpui bawk.