CM hoin bamboo link road sawiho

Nimin khan chief minister Zoramthanga hoin CMO conference hall-ah Bamboo Link Road Deve­lopment Board leh Bamboo Development Board an ṭhukhawm a, bamboo link road chungchang an sawiho.

Ṭhutkhawmah hian bamboo link road siam tura ruahmanna siam tawh leh, a bik takin pilot project atana thlan tawhte chu chiang zawkin board pahnih hmaah PWD hotute'n an sawifiah a ni.

Sorkar laipui budget 2022-23 pharh tâka PM-DevINE hnuaia bamboo link road pilot project atan cheng vbc. 100 sorkar laipui aṭanga lo kal tur thlir chung leh chumi chungchanga DoNER hotute nen meeting neih tawha an thurawn aṭanga hma­lak zui zel dan tur ṭha nia an hriatte sawiho a ni.

Ṭhutkhawmnaah hian board pahnih chairman Ramthanmawia, MLA leh Dr K Pachhunga, MLA bakah, adviser to CM (technical) K Lalsawmvela, additional chief secretary JC Ramthanga leh member dangte an tel.