March 2022-ah hripui vei mi 9,869; Chhuahtir mi 15,681; thihpui mi 28

Kumin March thla chhung khan Mizoramah Covid-19 vei mi 9,869 hmuh chhuah a ni a, February 2022-a hmuh chhuah 39,631 aiin 29,762-in a tlem zawk. Hripui vei dam tawh mi 15,681 chhuahtir an ni a, hripui vangin mi 28 an thi.

IDSP chhinchhiah danin, March 2022 chhunga Covid-19 positive hmuh chhuah mi 9,869 chu chawhrualin ni tin mi 318.35 an awm ang a ni a, positivity rate chawhrual chu 15.27% a ni. February 2022 khan chawhrualin ni tin mi 1,415 aia tam hret hmuh chhuah ang a ni a, positivity rate chawhrual pawh 25.16% a tling.

March 2022 chhungin swab sample 64,611 endik a ni a, February thlaa endik zat 1,57,521 zatve pawh a tling lo. March thlaa Covid positive hmuh tam ber ní, ni 7-ah mi 839 hmuh chhuah a ni a, ni khatah mi 1,000 aia tam hmuh chhuah a ni lo a; hmuh tlem ber ní, ni 27-ah mi 63 hmuh a ni thung.

Hripui vei dam tawh March thlaa chhuahtir zat chu mi 15,681 an ni a, positive hmuh zat aiin 5,812-in a tam zawk. Chhuahtir an tam ber ní, March 1-ah mi 1,161 chhuahtir an ni a, chhuak tlem ber ní March 27-ah mi 71 chhuahtir an ni.

March 2022 chhung vekin Covid-19 vei 28 an thi a, February thlaa thi zat mi 47 aiin 19-in an tlem zawk a; February thlaa thi an tam ber ní, February ni 11 leh ni 28-ah mi pathum ve ve an thi a, thi awm loh ní, ni kua a awm a ni.