Oil palm hralhna man tihpun a ni

Oil palm rah hralhna man bithliahtu, Price Fixation Committee on Oil Palm Fresh Fruit Bunches chu nimin khan Secretariat conference hall-ah Agriculture secretary J Hmingthanmawia kaihhruaiin an ṭhukhawm a; oil palm rah hralhna man kg. khata Rs 5.50 ni mek chu Rs 10-ah an tipung. Rate thar hi nimin aṭanga hman tura tih a ni.

Ṭhutkhawma tarlan danin, oil palm hralhna rate thar hi sorkar laipuiin viability price a kalpui hmaa hman tura tih a ni. Kum 2021-22 chhung khan Mizorama khaw 111-ah oil palm chìn a ni a, company-te hnenah oil palm rah metric ton 5,254 hralh niin, a vaiin cheng nuai 289 man a ni.