Nimbu tui sâwngbâwlna hawng

Rural Development (RD) minister Lalruatkima chuan nimin khan Tuiriala self help group (SHG)-te’n MzSRLM hnuaia an buatsaih nimbu tui sâwngbâwlna, Tuirial Lemon Processing Unit a hawng a, nimbu tui zawrh chhuah tura siam ‘Zobawm Nimbu Tui’ a tlangzarh nghal.

Lalruatkima chuan, SEDP-ah nimbu lama hmalakna leh a dangte changtlung zawka kalpui a nih theih nan sorkarin theihtawp a chhuah mek thu sawiin, “Mi harsa leh retheite tan sorkar a ding a, a la ding zel dawn. Eng ang pawhin sorkarin min puih huam mah se, mi taima tan lo chuan hlawhtlinna tluantling hi a awm thei lo,” a ti.

Minister chuan, SHG ṭhan len zel nan leh hma an sawn zel theih nan sorkarin theihtawp a chhuah zel tih a sawi a; January 2019 aṭanga January 2022 chhung khan village organisation-ah Community Investment Fund cheng nuai 7825.09 pek a nih thu a sawi bawk.