Car chesualah mi pali an thi

April 1, 2022 zana Lungtan khua aṭanga Aizawl pana tlân Maruti car pakhat chu Chhing­chhip leh Bak­tawng inkarah chesual­in, kawng thlangah a lum a, a chhunga chuang mi pali an thi vek.

Thu dawn danin, car hi April 1 zan dar 7 velah Lungtan aṭangin Aizawl panin an chhuak a, car neitu Laldingliana, Lungtan VC vice presi­dent-in a khalh a ni. Zan dar 11 velah chuan biak theih an la ni a, a tûk April 2, Inrinni zinga an chhungte'n biak an tum lehin chhángtu an awm tawh loh avangin chhun aṭangin khawtlangin an ngaihven ṭan ta a ni.

Hmun hrang hrang dap a ni a, Chhingchhip leh Baktawng inkar Buh­kangkâwnah chesualin kawng thlangah an lum a ni tih Inrinni zan dar 9 vel khan hmuh chhuah a ni a; car hi metre 150 vel a lum a, a chhunga chuangte chu an thi vek a ni.

Car-a chuangte chu - car neitu leh khalhtu Laldingliana (41) h/o Lalpianthari, Lungtan bakah, Tlangsiama (31) h/o Lalnunziri (Lungtan) Republic Vengthlang mi pahnih - Lalsangliana (47) h/o Melody Rohlupuii leh PC Lalremruata (48) s/o PC Dangliana te an ni.

Mitthite hi nimin khan an khua leh vengah vui an ni.