Tlawng luiah mi pahnih tla hlum

March 2, Inrinni tlai dar 4 vel khan Sairang Tlawng luia Sihhmui li kaiah Immanuel Lalawmpuia (23) s/o Lalchhuanawma, Mualpheng (College Veng, Aizawla khawsa mek) chu chesualin a tla hlum. Sihhmui kai lí-ah hian April 1, 2022 khan naupang pakhat a lo tla hlum tawh bawk.

Thu dawn danin, Immanuel Lalawmpuia hi a ṭhiante nen intihlim turin Tlawng luiah an kal a, vanduaina a tâwk ta a ni. A ruang zawng turin Sairang leh Sihhmui khaw tlangvalte an tlân khawm nghal a, tlai dar 5:30 velah a ruang hmuh a ni.

Immanuel Lalawmpuia tlak hlumnaah tho hian April 1, 2022 (Zirtawpni) tlai dar 4 vel khan Vanlalduata (10) s/o K Vanlalremruatpuia, Sairang Venglai pawh a tlahlum a, a hnu deuhah a ruang hmuh a ni.

Thu dawn danin, Vanlalduata hi an chhungte nen Tlawng luia intihlim turin an kal a, tlaiah a bo tâk avangin tuiah a tla hlum a nih ringin Sairang leh Sihhmui khaw tlangvalte nen an zawng a, thiin tuiah an chhar ta a ni.