Tlawng páwng ba-sa-ngam lo turin chah

Sairang Branch YMA chuan Tlawng luia kalte leh la kal leh turte chu Tlawng lui tui chu páwng ba-sa-ngam lo tur leh nungchang mawi lo taka khawsa lo turin an chah.

Sairang YMA chuan, tunlaiin Tlawng luia chet tlat a nuam tih sawiin, “Insù, inbual, motor sil leh intihlim, picnic-a rawn kal an tam leh ta. Lo kal hi kan sawisel lo a, hlim takin hun rawn hmang rawh u,” an ti a; mahse, an ngennate zâwm turin mi tin an ngen a, an ngenna ngai pawimawh lote chu dan kengkawhtute hnenah an hlan zel dawn thu an puang a ni.

SAIRANG YMA NGENNA
1) Nunna hlu tak chàn theihna a nih avangin, tui páwng ba-sa-ngam lo turin.
2) Zu leh ruihhlo rawn keng lo tur leh khaw chhungah lirtheia chak tak taka tlân lo turin.
3) Tlawng kama nùl huan leh lawngléngte hi kan eizawnna berte a ni a, min zahsak a, min khawihsak lo turin.
4) Nungchang mawi lo taka rawn khawsa lo turin.
5) Lui leh khawmuala nungchate humhalh tlat a ni a; a tina zawnga khawih lo tur leh man lo turin.
6) Tlawng kam vel tibawlhhlawh lo tur leh bawlhhlawh hnutchhiah lo turin.