Covid-19 vangin mi 687 an thi tawh

Nimin khan tlai dar 5 thlengin Mizoramah Covid-19 vangin mi pakhat a thi a, April 2, Inrinni zingah mi pakhat a thi bawk. Mizoramah hripui vangin mi 687 an thi tawh.

April 2, Inrinni zing dar 5:15 khan Lalzamveli (42), Bethlehem Vengthlang, Aizawl chu hripui vangin State Refferal Hospital (SRH)-ah a thi a; Covid-19 vei a ni tih March 22, 2022 khan finfiah niin, March 24 khan SRH-ah dah luh a ni.

Nimin zing dar 1 khan Christy Lalchhanhimi (12), Haulawng, Lunglei district chu Lunglei Dedicated Covid Health Centre (DCHC)-ah a thi a; Covid-19 positive a ni tih a thih hma deuh, April 2, Inrinni khan hmuh chhuah a ni tih sorkar thuchhuakin a tarlang.