Tennis-ah Innocent-a a chungnung Doubles champion-ah Dr Vanlalṭanpuia, MYC Chairman a tel

Mizoram Tennis Association (MTA) hnuaia inelna lian - Mizoram Open khelh zawh takah Innocent Lalrindika hming a langsar ber. Ramhlun Tennis Club aiawhtu hi mipa singles leh doubles-ah a champion.

Aizawl Tennis Club-a final inkhel hmuhnawmah Innocent-a hian K-13 Tennis Academy neitu Joseph Z Khuma chu 6-2, 6-2 in a hneh a, doubles-ah Dr. Vanlalṭanpuia nena ṭang dunin an champion bawk. Dr Ṭanpuia hi MLA niin Mizoram Youth Commission chairman a ni.

Singles leh doubles champion Innocent hi nelna neih hnuhnung berah a lo champion tawh bawk.

Hmeichhe lamah pawh champion lai Sandhya Giri chuan Hmingduhawmi 6-1 a hnehin nomawi a chawi bawk a ni.

Mizoram Open hi kum 1987 aṭanga neih ṭan a ni a, kumin hi vawi 35 an neih tlinna chiah a ni. Tualchhung player ten an hlut a, champion tumin player 129 zet an inlan.