P&E-in hriatthiamna ngen

Power & Electricity department chuan thu­chhuah siamin, November 28, 2018 zing dar 7:20 aṭangin Guwahati-a electric bill siamna khawl pui (data centre), hmar­chhak state-te'n an inhman ṭawm chu a chhiat thu an tarlang a; hei vang hian electric bill siam kawngah harsatna a awm a, mipui hriatthiam­na an ngen.

P&E department chuan, "Khawl enkawltu TCS Ltd. leh khawl siam­tu HP company-te'n theih­tawp chhuahin siamṭhat tumin an buaipui mek a. Aizawl, Saitual, Kolasib leh Siaha-a consumer ṭhen­khatte bill siam peih hman a ni lo. Aizawl, Sai­tual, Khawzawl, Cham­phai, Serchhip, Lunglei, Lawngtlai, Siaha leh Kolasib a consumer bill siam tawhte'n bill an pekna receipt kawl ṭha turin hriattir leh ngen an ni. He harsatna hi mipuite min hriatthiampui turin kan ngen a ni," an ti.