District-a khung hran dinhmun

Lunglei district-ah nimin chhun dar 12 thleng khan Mizoram páwn aṭanga rawn haw khung hran mek mi 101 an awm a, sorkarin dah hranna hmun a siama awm vek an ni.

Lunglei district-ah hian Covid-19 vei mi pasa­rih chu Dedicated Covid Health Centre (DCHC) - SIRD, Pukpuiah an awm a; JNV, Pukpuia sorkar quarantine facility-ah mi 40 awmin, an vaiin 131 Bn BSF mi leh sa an ni.

Mamit district-ah chuan quarantine facility-ah mi 63 an la awm mek a; chu'ngte chu - Mamit Tourist Lodge-ah mi 27, Polytechnic-ah mi 15, DC Rest House-ah mi pariat, Kawrthah Girls Hostel-ah mi pasarih leh Kanhmun Tourist Lodge leh Zawlnuam BDO Rest House-ah mi pakhat ve ve an ni.