SRH-ah mi 5 dah luh belh
State Referral Hospital (SRH)-ah nimin khan Covid-19 vei mi panga dah luh thar an ni a, an vaiin July 6, Thawhṭannia hripui vei hmuh chhuah thar, NDRF mi leh sate an ni.
SRH-ah hian Covid-19 vei mi 27 enkawl mek a ni a; mipa 20 leh hmeichhia pasarih kum 3-56 inkar mite niin, Aizawl district mi 26 leh Lunglei district mi pakhat an ni. An zingah harsatna lian tham nei an awm lo tih SRH-ZMC Covid-19 Bulletin chuan a tarlang.
Nimin khan Zoram Medical College Covid-19 laboratory-ah swab sample 115 endik leh a ni a, SRH bakah, Aizawl district leh Kolasib district aṭanga an dawnte niin, he thu ziah lai hian result a la chhuak lo.