Mi 8,29,493-in Covid vaccine la tawh

Mizoramah April 2, Inrinni thleng khan mi 8,29,493 hnenah Covid-19 vaccine dose 15,26,267 pek a ni tawh a; kum 12-14 inkar bikah mi 15,324 hnenah vaccine pek a ni tawh.

April 2, Inrinni bikah Covid vaccine dose 468 pek a ni a, dose khatna 325, dose hnihna 104 leh precautionary dose 39 a ni.

January 16, 2021 aṭanga April 2, 2022 thlengin mi 8,29,493-in Covid-19 vaccine an la tawh a, vaccine pek tawh zawng zawng chu dose 15,26,267 a ni. Vaccine la tawh zinga mi 6,70,176 chuan dose hnihna an la tawh a, precautionary dose la tawh mi 26,598 an awm bawk.

IDSP tarlan danin, Mizoram sorkarin hmun a buatsaih hrang hrangah Covid-19 vaccine dose khatna 8,27,278, dose hnihna 6,67,916 leh precautionary dose 26,395, a vaiin dose 15,21,589 pek a ni tawh a; private facility-ah dose khatna 2,215, dose hnihna 2,260, precautionary dose 203, a vaiin dose 4,678 pek tawh a ni.