KHAWTHLIR

Thisen pe
Sihphir Pastor Bial KṬP chuan nimin khan Sihphir Kohhran Hall-ah blood donation camp an nei a, an member mipa 20 leh hmei­chhia pathumte'n Synod Hospital tan thisen unit 23 an pe. HDFC Bank-a thawkte pawhin Aizawl Civil Hospital-ah donation camp neiin, thisen unit 12 an pe a, a petute mipa 11 leh hmeichhia pakhat an ni.

Tlan phalsak
Lunglei SP chuan thupek chhuahin, kawng din­hmunin a zir loh vanga Lunglei-Aizawl World Bank Road-a lirthei lian chi (HMV), ke 10 nei chin leh a chung lam tlan phal loh thu a lo chhuah tawh chu, khaw awm dan leh kawng din­hmunte a ziaawm deuh tawh avang leh, mipuite hmakhua ngaiin sut a nih thu a puang a; lirthei eng chi pawh tlan theih a ni tawh.

CEO-in hawng
Nimin khan Mizoram in-thlanpui vote chhiar nía thil ṭul hrang hrang - electronically transmitted postal ballot system, postal ballot, EVM leh VVPAT buaipui dan tur zirhona Assembly Annexe conference hall-ah buatsaih a ni a, Mizoram CEO Ashish Kundra-in a hawng.