MHRD Secy-in sikul a tlawh

Ministry of Human Resource Development (MHRD)-a Department of School Education & Literacy-a secretary Rina Ray chuan, nimin khan Mizo High School leh PC Girls School a tlawh.

Sikul a tlawhnaah hian Rina Ray chuan, quality education-in a tum ber chu zirlaite hlim taka sikul kaltir a nih thu sawiin, "Subject hrang hrang inzirtir piah lamah zirlaite'n an theihna leh tuina an hmuhchhuah hi zirna ṭha chu a ni. Mizoram chu ram nuam, boruak thianghlim tak awmna a nih avangin, zirlaite’n environmental issue an ngai pawimawh tur a ni," a ti a; Mizoramin zirna lama hma a sawn zel theih nan theihtawp chhuahpui a tum thu a sawi.

MHRD Secretary hi Mizoram sorkar School Education secretary Esther Lalruatkimi'n a ṭawiawm a, Mizo High School NCC-te chuan guard of honour an lo pe a, school pipe band-in rimawi nen an lo hmuak.

PC Girls School naupangte chuan puantah, laphiar, puanṭhui leh buhthlei dante an lo entir bawk.