Dan leh thupek kenkawh sawiho

Nimin khan Mamit SP conference hall-ah Krismas leh kumthar lo thleng tur mipuite'n hlim leh thlamuang taka an hman theihna turin dan leh thupek kenkawh dan tur SP Shashank Jaiswal hoa sawiho a ni.

Mamit SP chuan, Krismas leh kumthar hlim tak leh thlamuang taka hman a nih theih nan Mamit khawpuia khawtlang hruai­tute leh tlawmngai pawl hrang hrang hruaitute chu thawhpuiah a sáwm a, "Ruihhlo zuartute man an nih theihna turin mi tu pawhin police-te an ṭanpui thei a ni," a ti a; ruih­hlo zuar hria chuan office-a report kher lo pawhin, mobile phone kaltlanga hrilh mai turin a ngen.

Meeting-ah hian Krismas leh kumthar vuakveta hâlpuah, hâlmawi, silai lem, a mu nei chi bakah, ruihhlo hrang hrang - zu, drugs, ganja, etc. khuahkhirh dan tur an sawiho a ni.