UPC Kohhran Hlabu tlangzarh

UPC (North East India)-in Kohhran Hlabu chhut sarihna an buatsaih thar chu nimin khan General Hqrs office committee room-ah general superintendent Rev. R Lalrinsanga'n Pathian hnenah hlànin a tlangzarh.

Hlanna inkhawm hi UPC Literature and Publication Board chairman Rev. Zohmingthanzama'n a kaihruai a; Rev. R Lalrinsanga chuan, Kohhran Hlabua Pathian fak leh chawimawina hla an dah luhte chu Thlarau aṭanga hmutu leh dawngtute'n Pathian pàwlna danglam bik an chan aṭanga an dawnte dah khawm a nih avangin a hlu hle tih a sawi.

UPC (NEI) Kohhran Hlabu chhut sarihna, re-edited reprint-ah hian hla 651 a awm a, Rs 300 leh Rs 250 man tura buatsaih a ni.