Khawzawl district-ah vah bâk ram tikâng khaw pathum awm

Khawzawl District Fire Prevention Committee chu an chairman CC Lalchhuangkima, bawrhsap kaihhruaiin nimin khan an ṭhukhawm a, kângmei ven kawnga hmalaknate an thlir lêt a; vah bâk ram tikâng khaw pathum an awm thu tarlang a ni.

Ṭhutkhawma tarlan danin, Khawzawl district-ah hian kuminah lo hâl avanga ram kâng hectare 1,489 vela zau a awm a, March 15 hnu lama lo hâl an awm lo. Lo hâl piah lama ram tikâng palh khaw pathum an awm a, an ram tihkan chu hectare hnih vela zau a ni.

Meeting-ah hian, ruahtui tlâk hma chuan kângmei ven kawngah theihtawp chhuah chhunzawm zel a ṭul thu an sawi a, kângmei tichhuak lo tur leh fimkhur tura inzirtirna kalpui zel ni se an ti.