ZPM MLA-te sum thawh ropui an ti

Zoram Peoples' Movement (ZPM) Ṭhalai chuan thuchhuah siamin, ZPM Legislature Party (ZLP) member-te'n Covid-19 donaa hman turin Chief Minister's Relief Fund for Covid-19 ah cheng nuai 125 an thawh chu ropui an tih thu an tarlang.

ZPM ṭhalaite chuan, ZLP member pasarih zing­ah an MLA-LADS fund 2020-21 dawng tawhte'n cheng nuai 25 ṭheuh Co­vid-19 do nan June 18, Ningani khan an thawh tih sawiin, "Rs. 1,25,00,000 lai CM Relief Fund for Covid19 atan an chhûng lût chu ropui kan ti. Sum hi Covid-19 vanga harsatna kan tawhte sutkian nan fimkhur tak leh mipui tan ṭangkai taka hman a nih ngei kan beisei," an ti.

Covid-19 dona leh hripuiin mipui harsatnate sutkian a nih theihna tura Mizoram sorkarin chak zawka hma a lakna atan ZPM MLA-te'n an MLA fund aṭanga sum an thawh chu opposition MLA-te tih tur dik taka an ngaih thu an sawi.