Khawzawl district-ah vawk lakluh khap

Thawhlehnia Khawzawl DC CC Lalchhuangkima hoa DC conference hall-a ṭhukhawm chuan African Swine Fever (ASF) dinhmun thlirhoin, district dang aṭanga vawk, vawk sa leh vawk sa aṭanga thil siamte lakluh khap nise, an ti.

Meeting-ah hian Khawzawl DVO Dr Philip Lawmsangzuala chuan tunhnaiah an district-ah vawk thi report awm ve tawh mah se, ASF a ni tih finfiahna a la awm rih lo nia sawiin, "Chutihrualin, district ṭhenawm leh Mizoram hmundangahte ASF avanga vawk thi eng emaw zat a awm chhoh reng avangin fimkhur a ngai hle," a ti.

ASF vanga vawk vulhtute mai bakah mipui nawlpuiin harsatna an tawh theih dante uluk taka ngaihtuah chungin, district pawn hmundang aṭanga vawk, vawk note, vawk sa leh vawk sa aṭanga siam thil engpawh lakluh khap meeting chuan a rel a ni.