Sorkar leh turin kan inpuahchah - MPCC Treasurer

Mizoram Pradesh Congress Committee (MPCC) treasurer Zodintluanga Ralte, MLA chuan, Congress party chu sorkar leh turin an inbuatsaih mek tih a sawi.

Nimina a bial chhunga khaw hrang hrang a fannaah Zodintluanga chuan, “Congress party hi sorkar leh turin kan inpuahchah mek a, mi zawng zawngin mi dik, corrupt lo an tih pu Lalsawta kan zuar a ni. Mizoram sorkar sum leh páiah a tlachhe em em a, khatiang kha Congress sorkar laiin a awm ve ngai lo a, sum dinhmun a ṭha a, mi tinin kan chhawr a ni,” a ti.

MPCC Treasurer chuan, MNF-in SEDP tlinpui mah se, an tlâkpui leh dawn nia sawiin, “A chhan chu tu mah cheng nuai thum an pe tlat lo. Mizoram pumah mi rethei, mi harsa zawk chhan chhuahna programme pakhat mah a la awm lo,” a ti a, MNF sorkarin mirethei zawkte in sakna sum pawh an pek kim theih loh thu a sawi.

Zodintluanga Ralte chuan, chief minister Zoramthanga chu a sawi loh dan zela awm a nih thu sawiin, “Kan CM hian ‘Congress an artelukàwn dawn, MLA 30 kan la dawn’ a ti a, Congress kan tling dawn tihna zawk a ni. Chuvang chuan, pawl danga lo awm tawh zawng zawngte pawh Congress party-a lo awm leh turin ka sáwm vek a che u,” a ti.