Tuialhthei phur lut ṭan dawn

Mizoram IOCL Tran­sporters' Forum (MITF) chuan, Indian Oil Corpo­ration Ltd. (IOC) nen tuialhthei phurh man chunghanga an thu inhmuh loh avanga hun eng emaw chen tuialhthei an phurh luh loh chu nimin tlai khan an titawp lailâwk a, tuialhthei phurh luh dan kawng an zawng dawn.

MITF chuan thu­chhuah siamin, IOC-in hun eng emaw chen load an pek theih loh avangin Mizoramah tuialhthei a lut theih rih loh thu an tarlang a, "Kum 2016 rate aia hniama tlân tura min tihna hi kan pawm vang ni loin, mipuiin harsatna nasa tak kan tawh avangin tuialhthei lak luh dan kawng zawn a, call-off rih phawt ni se kan ti," an ti.

MITF hruaitute chuan tuialhthei phur turin tanker-ten Assam an pan nghal tih an sawi.