Serchhip damdawi-in atan PE ram pe dawn

Power & Electricity minister R Lalzirliana chuan nimin khan Ser-chhip leh Chhiahtlang inkar Bûkpuia PE depart-ment rama Serchhip District Hospital thar sakna tura thlithlai mek a tlawh. Minister chuan, "Mipuite'n kan mamawh em em district hospital thar sak nan hian PE department chuan phal takin ram an pe dawn," a ti.

R Lalzirliana chuan, "Khum 100 awmna tur damdawi-in atana dilna kan dawng a, mipui aiawh pawl hrang hrang intél khawm pawhin an duhnate an rawn sawi bawk," a ti a; Serchhip mipuite'n rilru zau leh hmathlir thui tak neia damdawi-in sak an duh chu fakawm a tih thu a sawi.

Minister chuan, "Cabinet agenda-ah kan dah ang a, Cabinet pawhin a pawm ngei ka beisei. PE department chuan phal takin he lai hmun hi damdawi-in atan kan pe dawn a ni," a ti.

Hmunhma ennaah hian Assembly deputy speaker Lalrinawma, Serchhip DC Nazuk Kumar, sorkar leh khawtlang hruaitu dangte an tel.