Lawngtlaiah vaimím chî sem

Lawngtlai East bialtu MLA H Biakzaua, Agriculture Development Board vice chairman ni bawk chuan nimin khan Socio-Economic Development Policy (SEDP) kaltlangin Lawngtlaia Agriculture Complex-ah vaimim chî a sem a, hmun danga sem chhuah tur a vailiam nghal.

Vaimim chi hi kum 2022-23 chhunga Lawngtlai district-a Agriculture department hnuaia vaimim chíng tura thlante hnenah kg. 20 zela sem tur a ni a, vaimim chìn dan tur kaihhruaina bu sem tel tura ruahman a nih bakah, hmanrua leh a chìn aṭanga a seng thlenga senso phuhrûkna tur pawisa pek tum a ni.

SEDP kaltlanga vaimim chíng turin Lawngtlai district-ah mi 1,735 thlan phawt a ni a, bekang chìn pawh kalpui tura hmalak a ni.