Heroin leh methamphetamine man

Excise & Narcotics department (END) chuan April 6, Nilaini leh nimin khan hmun pathumah heroin gram 349 (hawng 27) leh methamphetamine mûm 1,340 an man.

END enforcement chuan April tlai dar 3:30 vel khan Edenthar Vengah heroin gram 12 (hawng 1) leh a neitua puh - Lalparmawii (36) d/o Lalchhuanawma (L) leh Zochhuani (46) d/o Thanhlira (L), Edenthar Veng nia inchhálte chu an man a; nimin zing dar 1:45 khan an hnen aṭang hian heroin gram 164 (hawng 12) an man leh bawk.

April 6 tlai dar 3:45 khan END chuan Rangvamual Mel 3-ah heroin gram 9 (hawng 1) leh a neitua puh TC Lalthana (46) s/o Ramchhana, Rangvamual Mel 3-a khawsa nia inchhal man a; zan dar 6:58 khan Bawngkawn Hmarvengah heroin gram 176 (hawng 14) leh Methamphetamine gram 142 (mûm 1,340) leh a neitua puh Zahmingliana (47) s/o J Thangliana, Chhinga Veng, tuna Bawngkawn Hmarvenga khawsa mek nia inchhál an man bawk.

Ruihhlo vanga mante lakah hian The Narcotic Drugs & Psychotropic Substances Act, 1985 tlawhchhanin thubuai ziah luh a ni.