Lawngtlaiah Human Rights Day hmang

Lawngtlai District Legal Services Authority (LDLSA) huaihawtin nimin khan Lawngtlai DC conference hall-ah Human Rights Day hman a ni a, pawi khawihna avanga vanduaina tawkte hnenah zangnadawmna hlan nghal a ni.

Inkhawm hi advocate MC Lalbiakliana'n kai­hruaiin, khuallian Lawngtlai DC N Chakhai chuan Human Rights Day hman ṭan a nih dan leh human rights hnuaia mipuite dikna chanvo humhal a nih dan sawiin, zirlai kalkhawmte chu human rights pawimawhzia hre thar leh turin a chah.

Resource person sorkar ukil Ngurthantluangi chuan khawvel puma mihring dikna chanvo bawhchhiat a nih ṭhin dan te, thil thleng thei laka inven leh pumpelh dante a sawifiah.

Inkhawmah hian Lawng­tlai district huam chhunga pawikhawihna tuartu mi panga thlanchhuahte hnenah zangnadawmna cheng nuai 16 sem chhuah a ni.