MNF Vice President-in lawmthu a sawi

MNF vice president leh an Campaign Directorate-a chair­man R Tlanghmingthanga chuan nimin khan Mizo Hnam Runah thu sawiin, MNF party-ij Mizoram inthlanpui an hma­chhawn danah lawmthu a sawi a, "Candidate ni tate ka lawmpui a, candidate ni ve ta lote'n mawi taka in ṭanpui zui thei kha lawmawm ka ti hle a ni," a ti.

R Tlanghmingthanga chuan, MNF candidate ruat chung­changa Nomination Committee-te inlungrualna leh inpekna fakin, "Ngaihdan ni chiah lote pawhin a kalphung leh nih danin a hrin chhuah angte lungrual taka kan pawm zel thei kha Pathian hnathawh ni ngeiin a lang," a ti a; bial hrang hrangah candidate nih inring leh beiseitu, candidate ni ta lote zingah vuivâia titau zui an awm lo niin a sawi.

MNF-in sorkarna siam ta se, a fatu tur chu MNF an nih dawn avangin an mawhphurhna a sang hle dawn tih sawiin Tlanghmingthanga chuan, "MNF din chhan leh a tum bulpui 'Pathian leh kan ram tan' tih phênah hian thil dang zawng zawng kan dah a ngai. Mahni indahṭhaa mi dang tana inpekna chu a kipui ber tur a ni," a ti.