MJA-in IPR Director lawmpui

Mizoram Journalists' Association (MJA) General Headquarters chuan nimin khan Aizawl Press Club-ah IPR director kal chhuak Lallianpuii thlahna leh director thar C Lalnunkima lawmpuina hun an hmang.

Inkhawm hi MJA vice president Lalremsiama'n a kaihruai a, MJA president C Lalrambuatsaiha'n Lallianpuii ngaihhruina leh C Lalnunkima lawm­puina thilpek a hlàn a ni.

MJA President chuan, IPR director chhuak ta Lallian­puii'n journa­lism mai bakah, film, photo­graphy leh thil dangte a tuipui thei chu chhuan­awm a tih thu a sawi a, "Pension thlenga a thawk thei hi kan lawmpui a, a chhuak ta erawh hi chu kan ui hle a ni," a ti.

IPR director thar C Lalnunkima chu thâwm na lo tak ni mah se, a taka thawk chi, mi taima leh mi dik a nih thu sawiin MJA Presi­dent chuan, "Kan thla­muanpui hle a, a lakah MJA-te'n beiseina kan nei sang hle a ni. Director a ni ta hi tih tak zetin kan lawm­pui," a ti a; hmingṭha taka thawk tluan turin duh­sakna an hlan tih a sawi.

Lallianpuii chuan, amah thlahna hun MJA-in a buatsaih chu MJA leh IPR department inpumkhatzia tilangtu a nih thu a sawi a, "Pathianin pension thlenga thawk theia min hruai hi ka lawm tak zet a, ka hna thawh tawhah inchhîr ngawih ngawihna ka nei lo," a ti.

IPR director thar C Lal­nunkima pawhin thu sawiin, kum tam tak chhung IPR leh MJA-in thawh­hona ṭha tak an neih chu chhawm nung reng a, hun lo kal zel turah sorkar hmalak­nate ṭawiawm zel turin MJA member-te a chah a ni.