State Handloom Expo buatsaih

Sorkar laipuia ministry of Textiles hnuaia Development Commissioner for Handloom kaltlangin Mizoram sorkara Commerce & Industries hnuaia Handloom, Textile & Handicrafts Wing chuan nimin khan Aizawl City Park (Aijal Club Park)-ah State Handloom Expo an buatsaih a, Commerce & Industries (CI) minister Dr R Lalthangliana'n a hawng.

Dr R Lalthangliana chuan, Covid-19 donaa mipui thu awihnaah lawmthu sawiin, "Vawiin programme buatsaih theih a ni hi kan thuawihna rah pakhat a ni," a ti a; "Puantahtute hi Mizote hnam zia pho langtu pawimawh tak an ni a, hnam dang hmelhriattirtu hmanraw ṭangkai tak a ni," tiin, Mizoram páwnah Mizo puantahin ngaihhlut a hlawh thu leh puantahtute chu tun aia mawi leh ṭha zawka tah tum turin a chah.

Expo hawnnaah hian ZOHANCO chairman C Lalrammawia, CI director Florence Zotluangpuii leh mi pawimawh dangte an tel a; dawr 30 hawn niin, April 21, 2022 thleng a awh ang.