Sports Minister-in lawmpui

Sports minister Robert Romawia Royte chuan nimin khan a pisaah New Delhi-a Republic Day parade-a tel 1 Mizo Air Squadron NCC CSUO Ajit Kumar, Mizoram University leh CUO Vanlalmalsawmdawngliana, J Thankima College te chu Rs 25,000 ve ve a hlan a; best caretaking officer pahnih - Zothanliana, Chaltlang H/S leh Dr Sadhan Gope, MZU hnenah Rs 5,000 ve ve a hlàn bawk.

Robert Romawia chuan, Sports & Youth Services department hnuaia NCC Air Wing aṭanga parade contingent lawmman dawngte a lawmpui thu sawiin, "NCC hi ṭhalai nun zirna ṭha tak a ni a, tun aia uar zawka ṭhalaite army officer leh Air Force officer ni turin NCC kaltlangin ṭan la zual zel se. NCC pawh a theih anga tihlen zel a ṭul," a ti.