Avril Lavigne leh Mod Sun an inhual

Avril Lavigne chuan Instagram kaltlangin a ngaihzawng Mod Sun nen an inhual thu a tarlang.

Kum 37 lai ni ve tawh pop-punk rocker hian Instagram lamah Paris-a Eiffel Tower bula Mod Sun nen an inhual lai thlalak a tarlang a, a caption-ah chuan March 27-ah an inhual tih a ziak tel bawk.

"Inhual dan romantic ber leh duhthusam a ni. Paris-a Seine luiah lawngah kan chuang a, violin player, champagne leh rose a awm bawk. Kha hunah kha chuan hun kha a ding a, kan pahnih chiahin kan awm nimaiin a lang," tiin Avril chuan People magazine hnenah an inhual chungchang a sawi.

Avril hian a hmain pasal pahnih a lo nei tawh a, Sum 41 vocalist/rhythm guitarist Deryck Whibley nen kum 2006 khan innein kum 2010 khan an inṭhen leh a, Nickelback singer Chad Kroeger nen kum 2013 khan inneiin kum 2015 khan an inṭhen leh a ni.

Mod nen hian nikum March thla vel khan an inzui ṭan niin khawthlang media-te chuan an sawi a, Avril hian a vawi thumna atan a 'Sk8er Boi' a hmu leh ta a ni.