Sangeet Natak Akademi Purushkar dawng

India rama performing arts lama chawimawina sang ber Sangeet Natak Akademi Award (Purush­kar) chu Prof. Laltluang­liana Khiangte, Mizoram University-in April 9, Inrinni khan a dawng.

Chawimawina hlanna inkhawm hi April 9, 2022 khan New Delhi-a Vigyan Bhawan-ah buatsaih a ni a, Prof. Laltluangliana Khiangte hian Vice President M Venkaiah Naidu hnen aṭangin play­right huang chhungah Sangeet Natak Akademi Award a dawng a ni.

Prof. Laltluangliana Khiangte hnena Sangeet Natak Award pek a nih chhan chu, Indian theatre-a a thawh hlawk vang a ni. Play 30 chuang ziak tawhin, chu'ng zinga paruk chu sap ṭawnga ziah a ni a, a play ziahte chu New Delhi, Kolkata, Guwahati, Bhopal, adt-ah chhuah a lo ni tawh. A play zinga 16 chu Hindi-in lehlin a ni tawh a, a play pakhat 'Pasalṭha Khuag­chera' tih chu MAL Book of Year 1997 a ni tawh.

Laltluangliana Khiang­te hian kum 2005 khan Bharat Adivasi Samman a dawng a, kum 2006 khan Padma Shree a dawng tawh bawk.

Sangeet Natak Aka­demi hi India ramah per­forming arts lama thu­neitu (apex body) a ni a, award a pek ṭhin zingah Purushkar hi chawi­mawi­na sang ber a ni.