Police-in CCTV an hmang ṭangkai

Aizawl district-a police hotute chuan, an thil chhuinaah closed circuit television (CCTV) an hman ṭangkai thu an sawi a; mimal a tam thei apiangin an in leh a chhehvelah CCTV bun se an duh thu an sawi bawk.

Police hotute chuan, mimal CCTV nei mi eng emaw zat an awm tawh thu sawiin, "Hei hian hnuchhuina kawngah vawi tam tak min ṭanpui tawh. CCTV hi a nei thei apiang chuan uar lehzuala neih tum turin mipui kan ngen a ni," an ti a; CCTV a tam chuan hnuchhuinaah police-te nasa taka awlsam­na a thlen tur thu an sawi.

Hetih lai hian, police-in an enkawl Aizawl khawpui chhunga CCTV bunte chu hman tlak a awm mang tawh lo. CCTV-te chu a buntute'n an buaipui hun chhung a tàwp tawh a, senghawi mek a ni. Smart City hnuaiah CCTV bun turin ruahmanna a awm mek a, police-te chuan a hlawhtlin hun an nghakhlel hle a ni.