Dâpchhuah-W.Phaileng kawng Fûr hmaa siam zo turin ngen

West Phaileng Joint YMA leh West Phaileng Welfare, Aizawl chuan resolution siamin, Dâpchhuah leh West Phaileng inkar kawng siam mek chu kumin fûrpui thlen hma ngeia siam zo turin contractor an ngen.

W Phaileng Joint YMA leh W Phaileng Welfare Aizawl hruaitute chuan April 9, Inrinni khan Dâpchhuah - W Phaileng kawng siam mek a hmunah an enfiah a; resolution siamin, "Kawngpui siam mek hi fûrpui lo thlen hmaa thawh zawh ngei a nih theih nan contractor-te chu chak taka hma la turin kan ngen a ni," an ti.

Kawng siam mek chu ṭha taka thawh a nih zel theih nan leh kawngpui ṭha tak an neih ngei theih nan a ṭul angin an en zui reng dawn tih an tarlang bawk.