VC-te tihchak tuma hmalak a ni - LAD Minister

Nimin khan Pan­chayati Raj Ministry huaihawtin Delhi-ah 'National Stakeholders Conference on Locali­sation of Sustainable Development Goals' buatsaih a ni a, LAD minister K Lalrinliana pawh telin, Mizoramah village council (VC) te tih chak tuma hmalak a nih thu a sawi.

K Lalrinliana chuan he hunah hian Localisation of Sustainable Develop­ment Goals hnuaia thupui pathum - Child Friendly, Clean & Green leh Healthy Village chu Mizorama khaw pathumah thlan chhuaha kalpui phawt a nih dawn thu sawiin, "Sustainable Develoment Goals Localisation atan Rural Local Body (VC) tih chak a ṭul a, chumi atan chuan Mizoram sorkarin ngaihtuahna uluk takin a seng a ni. VC dan hman lai mek chu VC tichak lehzual thei tur dan thara thlak tuma hmalak mek a ni," a ti.

Conference hi vice president M Venkaiah Naidu-in a hawng a, Panchayati Raj minister Giriraj Singh hoin state hrang hrang 12-a minister-te'n thupui an sawiho a ni.