Kan party boruak a ṭha - Vanlalhlana

ZPM chuan nimin khan an pisa-ah inkhawm an buatsaihah, thusawitu ZPM Legislature Party (ZLP) dy. leader Vanlalhlana chuan an party boruak a ṭhat thu a sawi.

Vanlalhlana chuan tun­hnaiah an hruaitute hmun hrang hrangah an zin thu sawiin, "Kan boruak a ṭha hle mai, he boruak ṭha hi i chhawm nung zel ang u. Pawn lam aṭanga min tichhe thei an awm lo. Hruaituten awmdan kan thiam a ṭul, chunglam mitmei veng chungin fimkhur takin i awm ang u," a ti.

ZPM hmasawn dan chhutin 'Pathian min hruaina a ni' a tih loh theih loh thu sawiin ZLP Dy. Leader chuan, "Kan thawh em em pawh ni loin, kan tana ṭha lo tur emaw kan tih kha a lo ṭha zawk zel," a ti a, party dangte chuan thil ṭha ti intiin au ring viau mah se, rei loteah thil nihna dik tak a lo lan lehzel ṭhin thu a sawi.