Hmun pahnihah heroin man

Excise & Narcotics department-a Anti-Narcotics Squad leh Bawngkawn Branch YMA Kumpuan Committee-te chuan Thawhlehni zan zanlai pelh dar 12:30 velah Bawngkawnah heroin gram 280 (hawng 20) leh a neitua puh - Lalduhawmi (22) d/o J Lalduhthara (L), Champhai Dinthar Veng, tuna Bawngkawn, Lunglei Road-a khawsa leh Lalchhuanawma (28) s/o Lalbiakzuala, Bethlehem Vengthlang, Champhai Tlangsama khawsa mek nia inchhálte an man.

Excise & Narcotics department Anti-Narcotics Squad hian nimin chawhnu dar 2:10-ah Upper Republic Vengah heroin gram 8 an man leh a, a neitua puh Joshua Lalzahawma (20) s/o Danny F. Noklia, Upper Republic Veng nia inchhál an man bawk.

Heroin vanga man mi pathumte hi The Narcotics Drugs & Psychotropic Substances Act, 1985 tlawhchhanin thubuai siamsak an ni a, nimin khan Court-ah hruai an ni.