Hmeichhe candidate tling an awm lo

Mizoram MLA inthlan neih zawh takah political party hrang hrangte'n hmeichhe 13 an candidate-a, mi pathum chu hmun hnih­ah dingin, tling zo an awm lo.

BJP leh Zoramtharin hmeichhe candidate pali ve ve an nei a, hetihlai hian Zoramthar aṭangin Lalhrilzeli Hlawndo, Lalruatfeli Hlawndo leh Lal­zenghakite chu bial hnihah an ding a ni. ZPM chuan hmeichhe candidate pahnih neiin, INC leh NCP chuan candidate pakhat an nei.

Hmeichhe candidate zing­ah hian INC ticket-a Hrangturzo biala ding Vanlalawmpuii Chawngthu chu MLA ni lai a ni a, MNF candidate Lalchamliana a hneh lo.