MNF hi Delhi-a inti BJP em em, Mizorama BJP nuaibo tum an ni - BJP President

BJP, Mizoram Pradesh president Vanlalhmuaka chuan, Mizorama sorkar­na chelh mektu MNF party chu Delhi lamah an inti BJP/NDA em em a, Mizoramah BJP nuaibo an tum leh thung nia sawiin, "Hei hi Central lam hian an haider rih a, kum 2023 aṭang chuan tuna an dinhmun hi an chang thei tawh dawn lo a ni," a ti.

Vanlalhmuaka hian April 11, Thawhṭanni zan khan South Sabual khua tlawhin, community hall-ah ṭhalaite nen an inkâwm a; thu sawiin, "BJP chu mipui hmaa kan thutiam leh kan manifesto anga kal ṭhin, kan thutiamte tihlawhtling ṭhin party kan ni," a ti a, cheng nuai thum sem intiam a, vaimim chi sem leh daih ang party an nih loh thu a sawi.