Minister inkhawmah Robert Romawia tel
Nimin khan Ashok Hotel, Delhi-ah Tourism & Culture Ministers Conference buatsaih a ni a, Mizoram aṭangin Tourism minister Robert Romawia Royte a tel. Conference hi vawiinah chhunzawm a ni ang.
Conference-ah hian sorkar laipui hotute - Home minister Amit Shah hoin Tourism Minister, Culture Minister, Minister of State for Tourism leh Minister of State for Culture-te an tel a ni.
Robert Romawia chuan, Union Tourism Minister chu Chite Convention Centre sa ṭan tura an inpeih thu a hrilh a; a lungphùm chu Mizoram CM nen phúm turin a sáwm a, PRASAD sum pe chhuak thuai turin a ngen bawk.
Robert Romawia hian nimin vêk khan Union Sports secretary Sujata Chaturvedi leh SAI director general Sandeep Pradhan a hmu a, Mizoram tana project hmachhawpte a sawipui a ni.