Veterinary Polyclinic Hospital-in Rs. 4,63,775 an chhûng tawh

Mizoram State Veterinary Polyclinic Hospital-ah thla thum chhungin ran dam lo 9,429 enkawl a ni a; sorkar kum kal mek 2019-20 chhungin sorkar sum bâwmah revenue Rs. 4,63,775 an chhûng lut tawh.

State Veterinary Polyclinic Hospital quarterly achievement report tarlan danin, State Veterinary Polyclinic Hospital hian sorkar kum kal mek chhung atana revenue target an neih chu Rs. 6,00,000 a ni a, chutih laiin, kum a la tawp lo chungin thla kaw chhungin sorkarah Rs. 4,63,775 an chhûng lut tawh a ni.

October-December 2019 chhung khan ran talhna (slaughter house)-ah ran 2,48,291 talh a ni. Bawng 155 kah rài a ni a, chuta ṭang chuan bawng 87 an piang. Vety Hospital-ah hian ran til lâk 439, chhûl lâk 433 leh zai (operation) dang 739 a awm a, a vaiin ran zai zat chu 1,611 a ni. Chhan hrang hrang vanga ran damdawi (vaccine) la 1,309 an awm a, chu'ng zingah chuan ui (dog) entir an tam ber a ni.