Raltlante dinhmun ngaihtuah

Nimin khan Siaha DC Lalsangliana hoin DRDA conference hall-ah Village Level Committee on Myanmar Refugees member-te an ṭhukhawm a, an district chhunga raltlante dinhmun an ngaihtuah.

Meeting-ah hian raltlante leh khawtual mite inkarah harsatna a thlen loh nan raltlan khuahkhirhna hrang hrang point 12 an duang. Heng inkhuahkhirhna bakah hian raltlan naupangte zirna chungchang te, damlo thila inenkawl dan tur chungchang te, furpui lo thlen hma a raltlante camp thawmṭhat dan turte leh mitthi vui leh inphumna chungchangte sawiho a ni.

Tun dinhmunah hian Siaha district-ah Myanmar aṭanga raltlan 9,827 awmin, village council 54 ah an cheng a ni.