Lawngtlaiah PMEGP sawiho a ni

Nimin khan Lawngtlai DC Dr Andrew H Vanlaldika hoin a pisa-ah an district chhunga kum 2021-2022 chhunga Prime Minister’s Employment Generation Programme (PMEGP) kalpui dan leh hlawhtling zawka kalpui zel a nih theih dan tur sawiho a ni.

Kum 2021-2022 chhunga PMEGP pek chhuah dan thlir hoin, department, bank leh mimalin harsatna hrang hrang an tawh ṭhinte tarlan a ni. Harsatna chin fel dan tur sawiho niin, felfai zawk leh hlawhtling zawka PMEGP kalpui a nih theih nana rawtna hrang hrangte sawiho nghal a ni.

Meeting-a tarlan a nih danin, kum 2021-2022 chhungin Lawngtlai district chhungah bank branch hrang hrang kal tlanga PMEGP loan pek tura tuk (target) 57 awmin, 58 pek chhuah (sanction) a ni. Heng loan pek chhuah 58 atana margin money hman zat chu cheng nuai 80.45 a ni.