SBI-in cheng nuai 96.98 man Bungrua Mizoram sorkar an pe

State Bank of India (SBI) chuan CSR aṭangin Mizoram sorkar­ah cheng nuai 96.98 man hriselna lama hman tur hmanraw chi hrang hrang Mizoram sorkar an pe a, nimin khan SBI chief general manager RS Ramesh-a'n chief minister Zoramthanga hnenah a hlân.

Chief Minister chuan, mipui tana ṭangkai tur SBI-in an pek avangin lawm­thu a sawi a; RS Ramesh chuan, CSR kaltlanga mipui hriselna enkawl­na lam a theih ang anga khaw­tlang tana hmalak zel an ngaih pawimawh thu a sawi.

SBI-in Mizoram sor­­kara an pekte chu - RTPCR test kit 47,500, rapid antigen test kit 48,000 leh Truenat Quattro PCR khawl pahnih a ni.