Champhaiah MST Bus tlântir dawn

Champhai leh Aizawl Maxicab Service Owners’ Welfare (AMSOW) leh kawng siamtu company-te inkarah inhmuh thiam lohna a awm avanga mipuiin harsatna an tawh loh nan Transport department chuan Aizawl leh Champhai inkarah vawiin aṭangin Mizoram State Transport (MST) bus a tlantir dawn.

Vanapa Hall kawt aṭangin MST bus pahnih chu zing dar 6-ah an chhuak dawn a, chumi hnu aṭang chuan Aizawl leh Champhai aṭangin ni khatah pakhat ve ve a chhuak ṭhin dawn a ni.

AMSOW chuan an member puiin ni 29.3.2022 khan Khawzawl Tuisenphai leh Khuai Lui inkara highway kawnglai tute fimkhur loh vanga lung an tih tlak avangin chhiat a tawk nia tarlangin, "Hemi an chhiat tawh chungchangah hian vawiin ni thlenga kawnglaitute'n an intiamna anga hmalakna a awm loh avangin ni 14.4.2022 zingkar aṭangin inremna a awm hma loh chuan service loh nise," an ti.