RD department hmalakna thlirho a ni

Rural Development (RD) minister Lalruatkima hoin nimin khan Planning department conference hall-ah sorkar hotute'n RD department hmalakna an thlirho. Lalruatkima chuan, kumin atan MGNREGS hnuaiah mipui inhlawhna tur cheng nuai 175 hmuh a ni tawh tih a sawi.

Mizoramin SPMRM-a cluster pali a neih mek bakah, sorkar laipuiah an dil belh mek tih sawiin Lalruatkima chuan, "Cluster dang sanction beisei mek a ni. BADP-ah sorkar laipuiin payment system thar a hman ṭan tâk avangin Mission Antyodaya nen annual action plan inmila siam a ngai tawh dawn a, sorkar laipuiin kalphung thar a phûtte zâwm kimin Ministry of Home Affairs aṭangin fund a tam thei ang ber pawh chhuah a ngai," a ti a; state sorkar flagship programme a hlawhtlin theih nan theihtawpa ṭan lak a ṭul thu a sawi bawk.

Ṭhutkhawma tarlan danin, MGNREGS hnuaia timely payment chungchangah Mizoram chu India rama a ti ṭha ber zingah a tel a; hna thawh chak zawng (work completion rate)-ah Mizoram chu India rama state ti ṭha ber zingah a tel bawk.