Siaha-ah kângmei laka invên dan zirho

Siahaa IPR office leh Siaha Fire Station chuan nimin khan kângmei chungchang media mite zirtirna 'Special Training on Fire Safety and Fire Prevention for Media Personnel’ an buatsaih. Inkhawm hi Siaha IPR deputy director N Vabeiratlua'n a kaihruai a, fireman Vanlalpeka leh L David Vungzaliana ten thil pawimawhte an zirtir.

Kum 2021-22 financial year chhung khan Siaha district-ah Siaha Fire Station-in an ṭhelh ngai kangmei ṭum riat a chhuak a, chenna in kâng pakhat leh ram kâng hmun pasarihah a thleng. Siaha Fire Station-ah hian fireman pasarih leh thawktu dang pali an awm mek a, kângṭhelh motor pahnih an kawl a ni.