GOOD FRIDAY

Nimin kha Isua Krista kraws-a khenbeh champha, Good Friday a ni a, kohhran hrang hrangte'n urhsûn takin an hmang.

Good Friday-ah hian Roman Catholic kohhrante chuan an tih ṭhin dan pangngaiin khawlaiah Kraws Kawngzawh an buatsaih a, biak-inah lutin, inkhawm urhsûn leh cross chawimawina hun an hmang zui a ni. Ningani zan khan venpui zan an hmang a, ke sil rawngbawlna leh sacrament an buatsaih bawk.

Presbyterian kohhrante leh Baptist kohhrante chuan chawhma, chawhnu leh zanahte inkhawm an nei a, Mizoram Synod leh BCM Headquarters aṭanga thupui siam sa hmangin Pathian thuchah an ngaithla. Kohhran pawl dangte pawhin Good Friday hi urhsûn takin an hmang bawk. Ningani zan, venpui zan khan tualchhung kohhran hrang hrangah Lalpa Zanriah Sakramen ṭheh a ni.